Sosial

Ana səhifə

Sosial

BDU-nun rektoru “British Counsil”in rəhbəri Paul Klementonu qəbul edib

02 dekabr 2010 12:58 (UTC +04:00)

Bu gün BDU-nun rektoru, akademik Abel Məhərrəmov “British Counsil”in rəhbəri Paul Klementonu qəbul edib. Bu barədə APA-ya BDU-nun mətbuat və informasiya şöbəsindən məlumat verilib.

İnteqrasiya mexanizmlərindən, bu prosesi gücləndirmək üçün tələbələrin ingilis dilini yaxşı bilmələrinin vacibliyindən danışan A. Məhərrəmovun sözlərinə görə, universitetdə Azərbaycan və rus dilləri ilə yanaşı, bəzi fakültələrdə ingilis dilində də qruplar fəaliyyət göstərir. Rektor bütün fakültələrdə ingilisdilli qrupların yaradılmasının nəzərdə tutulduğunu, növbəti tədris ilinin sonundan bu dildən də dövlət imtahanlarının veriləcəyini bildirib. O qeyd edib ki, hər bir tələbə ixtisası ilə yanaşı, ingilis dilini də mükəmməl bilməlidir: “Vəsaitlərimiz var, linqvistik otaqlar da hazırlamışıq”. Rektor ingilis dilinin daha sürətli və səmərəli öyrədilməsi üçün metodoloji baxımdan köməyə ehtiyac olduğunu da qonağın diqqətinə çatdırıb.

Raul Klementon ingilis dilinin tədrisi ilə bağlı mərkəzin yaradılmasını, Azərbaycan ali təhsil müəssisələri ilə Böyük Britaniya universitetlərinin əlaqələrinin qurulmasını arzu etdiyini bildirib. O deyib ki, Böyük Britaniya universitetlərinin təcrübəsini bölüşmək, müştərək kurslar, ikili diplomlar, tədqiqatlarda müştərək iş də planları sırasındadır.
Sonda qərara alınıb ki, əməkdaşlıq universitetə ingilis dilinin tədrisi prosesinə metodoloji baxımdan kömək edilməsi və Böyük Britaniya universitetləri ilə əməkdaşlıq konturlarının əldə olunması istiqamətində aparılsın.