Sosial

Ana səhifə

Sosial

Millət vəkili Qənirə Paşayeva Şimaili Kiprdə mükafata layiq görülüb - FOTO

Millət vəkili Qənirə Paşayeva Şimaili Kiprdə mükafata layiq görülüb - <font color=red>FOTO</font>

03 dekabr 2010 11:08 (UTC +04:00)

Bakı-APA. Dekabrın 2-də Şimali Kipr Türk Cümhuriyyətində (ŞKTC) “XXI yüzildə Türk Dünyası” adlı uluslararası simpozium öz işinə başlayıb. APA-nın xəbərinə görə, simpoziumda türk dövlət və topluluqlarından gəlmiş, fərqli ixtisas sahibi olan 60-dan çox alim, araşdırmaçı, QHT rəhbəri, KİV nümayəndələri iştirak edir. Smpozium Avrasya Ekonomik İlişkilər Dərnəyi və Levkə Avropa Universiteti tərəfindən təşkil olunub və Ankara Keçiörən Bələdiyyəsi , Yunus Emrə İnstitutu, Türksoy, Dünya Gənc Türk Yazarlar Birliyi TÜRKSAM, TÜRKSAV kimi təşkilatlar tərəfindən də dəstəklənib.
Azərbaycan simpoziumda geniş tərkibli nümayəndə heyəti təmsil olunur. Simoziumun açılış mərasimində təşkilatçılar – Avrasya Ekonomik İlişkilər Dərnəyi başqanı Hikmət Ərən, Levkə Avropa Universiteti mütəvəlli heyət başqanı Mehmet Zəfər, adıkeçən universitetin rektoru professor-doktor Əhməd Bülənd Göksəllə yanaşı, ŞKTC prezidenti Dərviş Əroğlu, ŞKTC Məclis başqanı Həsən Bozər, Türkiyə Böyük Millət Məclisinin üzvü Mustafa Kabakçı, Türk Dünyası Bələdiyyələr Birliyi başqan vəkili İsmayıl Kavunçu, TÜRKSOY başqanı professor Düsen Kaseinov, Keçiörən bələdiyyə başqanı Mustafa Ak, Azərbaycanın millət vəkili, siyasi elmlər üzrə fəlsəfə doktoru Qənirə Paşayeva çıxış edib, simpoziumun mövzusu, müzakirə olunacaq məsələlər, mövzuyauyğun vəzifələr haqqında fikir və mülahizələrini bölüşüblər.
Millət vəkili Qənirə Paşayeva çıxışında türk dünyasının ağrılı problemlərinə, özəlliklə Dağlıq Qarabağ problemi, Ermənistanın Azərbaycan torpaqlarının 20 faizini işğal etməsi, 1 milyon azərbaycanlının bu gün də qaçqın və məcburi köçkün həyatı yaşaması və Ermənistanın onların öz evlərinə geri dönməsinə imkan verməməmi barədə danışıb. Millət vəkili eyni zamanda ümumilli lider Heydər Əliyevin təməllərini atdığı türk dövlət və topluluqlarının yeni formatlı əməkdaşlıq mühiti, bu mühitin gərəkdirdiyi işlər, Azərbaycanın və prezident İlham Əliyevin Türk dövlətlərinin və xalqlarının əməkdaşlığının genişləndirilməsi istiqamətində gördüyü işlərdən danışıb. “Güc birlikdədir” deyən millət vəkili vurğulayıb ki, Qarabağ problemi təkcə azərbaycanlıların deyil, bütün türk dünyasının problemi olmalı və dünyanın hər yerində yaşayan türklər və onların təşkilatları bu probleminin həlli istiqamətində əlindən gələni etməli, səylərini daha da artırmalıdır.

Simpoziumun açılış mərasimi “2010-cu il professor-doktor Zəki Vəlidi Toğan Ödülü”nün təqdimatı ilə də əlamətdar olub. Qeyd edək ki, millət vəkili Qənirə Paşayevanın da layiq görüldüyü ödülə təltif olunanlar arsında KKTC prezidenti Dərviş Əroğlu, Türkiyə Böyük Millət Məclisinin üzvü Mustafa Kabakçı, Türk Dünyası Bələdiyyələr Birliyi başqan vəkili İsmayıl Kavunçu, TÜRKSOY başqanı Düsen Kaseinov, Keçiörən bələdiyyə başqanı Mustafa Ak, habelə Türk “Qızıl Ay”ı da var.