Sosial

Ana səhifə

Sosial

Azərbaycan Gənclər və İdman Nazirliyi ilə Dağıstan Gənclər siyasəti üzrə Komitəsi arasında əməkdaşlıq haqqında protokol imzalanıb - FOTO

Azərbaycan Gənclər və İdman Nazirliyi ilə Dağıstan Gənclər siyasəti üzrə Komitəsi arasında əməkdaşlıq haqqında protokol imzalanıb - <font color=red>FOTO</font>

20 dekabr 2010 14:45 (UTC +04:00)

Bakı-APA. Gənclər və idman naziri Azad Rəhimovun rəhbərliyi altında nümayəndə heyəti Dağıstan Respublikasında səfərdə olub. Nazirliyin mətbuat xidmətindən APA-ya verilən məlumata görə, nümayəndə heyəti ilk olaraq Məhərrəmkənd rayonunda qarşılanıb. Qarşılanmada Dağıstan Respublikası Gənclər siyasəti üzrə Komitəsinin sədri, Məhərrəmkənd rayon Bələdiyyəsinin sədri, Məhərrəmkənd rayon administrasiyasının rəhbəri iştirak ediblər. Səfər çərçivəsində Dərbənd rayon Cəmikənd kəndində Heydər Əliyevin büstü, kənd orta məktəbində Heydər Əliyevin xatirə muzeyi ziyarət edilib.
Dərbənd rayon adminİstrasiyasının rəhbəri K.S.Kurbanovla, Dağıstan Respublikası Milli Məclisinin sədri, Dərbənd şəhər administrasiyasının rəhbərliyi ilə də görüşlər keçirilib. Qonaqlar Dərbənd rayonunda yerləşən “Narın Qala” tarixi kompleksinə ekskursiya ediblər. Bununla bərabər Dağıstan və Azərbaycan gənc rəssam və fotoqraflarının əl işlərindən ibarət sərginin acılış mərasimi, Dağıstan və Azərbaycan gənc istedadlarının iştirakı ilə Qala konsert keçirilib. Dağıstan və Azərbaycan gənclərinin müxtəlif mövzularda fikir mübadiləsi aparmaları üçün onların iştirakı ilə dəyirmi masa təşkil edilib.
Daha sonra Azərbaycan Gənclər və İdman Nazirliyi ilə Dağıstan Respublikasının Gənclər siyasəti üzrə Komitəsi arasında gənclər siyasəti sahəsində əməkdaşlıq haqqında Niyyət Protokolu və 2011-2012-ci illər üzrə gənclərlə iş sahəsində tədbirlər planı imzalanıb.