Sosial

Ana səhifə

Sosial

AMEA prezidenti: “Xarici ölkələrdə təhsil alan azərbaycanlıların vətənə geri dönməsi üçün müəyyən stimullar olmalıdır”

24 dekabr 2010 11:03 (UTC +04:00)

Onların əmək haqqı təminatı yaxşılaşdırılmalı, qayıtdıqdan sonra onlar üçün müvafiq şərait yaradılmalıdır ki, geri döndükdə fərqi görə bilsinlər. Bu sahədə işlər aparmaq lazımdır”. APA-nın məlumatına görə, bu açıqlamanı jurnalistlərə Azərbaycan Milli Elmlər Akademiyasının prezidenti Mahmud Kərimov verib.

Onun sözlərinə görə, artıq bir çox ölkələrdə alimlərin öz vətənlərinə geri qayıtması üçün proqramlar qəbul olunub. Bu təcrübə Çində daha geniş tətbiq olunur. Rusiyada da artıq bu istiqamətdə işlərin görülməsinə başlanılıb: “Ola bilsin ki, gələcəkdə Azərbaycanda da belə bir proses baş versin. Hər halda, Azərbaycana qayıtmaları üçün gənclərə daha cəlbedici şərtlər deyilməlidir. Belə proqramın hazırlanması istiqamətində AMEA da düşünür. AMEA da doktorantura təhsilini almaq üçün bir qrup alimini xarici ölkəyə göndərib. Onları göndərəndə aramızda müqavilə bağlanıb, əsas şərtlərdən biri də o olub ki, gənclər geri qayıtmalıdırlar. Əlbəttə, biz başa düşürük ki, onlara qayıtdıqdan sonra müəyyən şərait lazımdır. Onlar üçün həm müvafiq iş şəraiti, həm də maliyyə təminatı olmalıdır. Bunun üçün də yəqin ki, yollar axtarılıb tapılacaq”.

M. Kərimov deyib ki, hazırda AMEA xaricdə təhsillərini davam etdirən gənc alimlər üçün stimullaşdırma tədbirləri haqqında düşünür: “Yəqin ki, hansısa tədbirləri təklif edəcəyik. Mən Azərbaycanda ümidlərimi Elmin İnkişaf Fonduna bağlayıram. Həmin alimlər fondun layihələrində iştirak etməklə əlavə vəsait ala bilərlər. Bəlkə akademiyada da alimlər üçün hansısa güzəştlər proqramı qəbul olunacaq. Bu istiqamətdə işləmək lazımdır”.