Sosial

Ana səhifə

Sosial

Azərbaycanda məcburi dövlət sosial sığortaya cəlb edilən əcnəbilərin sayı 28% artıb

24 yanvar 2011 08:28 (UTC +04:00)

Bakı. İlhamə İsabalayeva - APA-Economics. 2010-cu il ərzində Dövlət Sosial Müdafiə Fondunun (DSMF) fərdi uçot sistemində qeydiyyata alınan əcnəbilərin sayı 28% faiz artıb.

Fondun ictimaiyyətlə əlaqələr sektorunun müdiri Elman Babayev “APA-Economics”ə bildirib ki, ötən il əlavə olaraq 2228 nəfər əcnəbi vətəndaş qeydiyyata alınıb. Bu il yanvarın 1-nə olan statistikaya əsasən, fərdi uçot sistemindəki əcnəbilərin sayı 10 195 nəfərdir.

DSMF-nin fərdi uçot sistemində qeydiyyata alınan əcnəbilər ümumilikdə 92 ölkənin vətəndaşlarını əhatə edir. Onlar arasında Türkiyə vətəndaşları (5911 nəfər) çoxluq təşkil edir. Fərdi uçot sistemində qeydiyyata alınan əcnəbilərin sayına görə ikinci yerdə qərarlaşan Gürcüstan vətəndaşlarının sayı 1358 nəfərə yüksəlib. Üçüncü yerdə gələn Rusiya vətəndaşlarının sayı isə 588 nəfər təşkil edir. Sonrakı yerlərdə İran (337 nəfər), Hindistan (250), Çin (145), Böyük Britaniya və Şimali İrlandiya Krallığı (106), Ukrayna (87), Pakistan (84), Malayziya (80), Almaniya (77), Özbəkistan (73), Qazaxıstan (67), Türkmənistan (55), ABŞ (55) və s. ölkələr gəlir.

Qeyd edək ki, 2006-cı ilin yanvarın 1-dən Azərbaycan mənbələrindən əmək ödənişi və məcburi dövlət sosial sığorta haqqına cəlb olunan digər gəlirləri əldə edən əcnəbilərin məcburi dövlət sosial sığortası ilə əhatə olunması prosesinə başlanılıb.