Sosial

Ana səhifə

Sosial

Azərbaycan Milli Elmlər Akademiyası əməkdaşlarının əməkhaqları artırılıb

06 iyul 2011 16:00 (UTC +04:00)

Bakı - APA-Economics. Azərbaycan hökuməti “Dövlət büdcəsindən maliyyələşdirilən sahələrdə çalışan işçilərin Vahid Tarif Cədvəli ilə müəyyən edilmiş aylıq tarif (vəzifə) maaşlarının tənzimlənməsi haqqında” 2010-cu il 27 sentyabr tarixli 166 nömrəli qərarına dəyişiklik edib.

Nazirlər Kabinetindən “APA-Economics”ə verilən məlumata görə, “Azərbaycan Milli Elmlər Akademiyasının tabeliyində olan, dövlət büdcəsindən maliyyələşdirilən elm və elmi tədqiqat müəssisələrində çalışan işçilərin əməkhaqlarının artırılması haqqında” Azərbaycan prezidentinin 2011-ci il 27 aprel tarixli 1475 nömrəli sərəncamının 2-ci hissəsinə əsasən Azərbaycan Milli Elmlər Akademiyasının (AMEA), AMEA-nın Naxçıvan bölməsinin tabeliyində olan dövlət büdcəsindən maliyyələşdirilən elm və elmi tədqiqat müəssisələrində çalışan işçilərin əməkhaqları artırılıb.

“Dövlət büdcəsindən maliyyələşdirilən sahələrdə çalışan işçilərin Vahid Tarif Cədvəli ilə müəyyən edilmiş aylıq tarif (vəzifə) maaşlarının tənzimlənməsi haqqında” Azərbaycan Kabinetinin 2010-cu il 27 sentyabr tarixli 166 nömrəli qərarına (Azərbaycan Respublikasının Qanunvericilik Toplusu, 2010, № 9, maddə 832) 2 nömrəli əlavə - “Azərbaycan Milli Elmlər Akademiyasının (AMEA), AMEA-nın Naxçıvan bölməsinin tabeliyində olan dövlət büdcəsindən maliyyələşdirilən elm və elmi tədqiqat müəssisələrində çalışan işçilərin əməyinin ödənilməsinin Vahid Tarif Cədvəli” aşağıdakı redaksiyada verilib:

Əməyin ödənilməsi dərəcələri	Aylıq tarif (vəzifə) maaşı (manatla)
1	120
2	125
3	130
4	135
5	140
6	145
7	150
8	160
9	170
10	180
11	190
12	200
13	210
14	230
15	250
16	290
17	370
18	450
19	680