Sosial

Ana səhifə

Sosial

Azərbaycanlı gənclər İstanbulda “Gənc xarici işlər nazirləri konfransı”nda iştirak edirlər

12 iyul 2011 08:38 (UTC +04:00)

İKGF-dən APA-ya verilən məlumata görə, bir həftə ərzində keçiriləcək konfrans Türkiyə Xarici İşlər Nazirliyi, Sabancı Universiteti, Tuzla Bələdiyyəsi və Misirin Mədəniyyətlərin Tədqiqi və Dialoqu Mərkəzi ilə müştərək olaraq təşkil edilib.

İKGF-nin İstanbul ofisindən verilən xəbərə görə, qurumun baş katibi, səfir Elşad İsgəndərov deyib ki, konfransda İƏT-nin baş katibi Ekmaləddin İhsanoğlu, Sabancı Universitetinin rektoru Nihat Berker və çoxsaylı beynəlxalq qurum və diplomatik təmsilçiliklərin nümayəndələri iştirak edəcək. Konfransda 57 İƏT ölkəsini təmsil edən 250-dən çox beynəlxalq münasibətlər sahəsində təhsil alan bakalavr və maqistratura tələbələri iştirak edirlər.
E. İskəndərovun sözlərinə görə, iyulun 16-da, konfransın son günündə “İƏT Modeli” çərçivəsində İƏT Xarici İşlər Nazirləri Şurasının simulyasiya oyunu keçiriləcək. Oyun zamanı İƏT üzv ölkələrini təmsil edən və “xarici işlər naziri”, “nazir müavinləri”, “səfir” qismində çıxış edən gənclər İslam dünyasının və beynəlxalq aləmin aktual problemlərini müzakirə edəcək və problemlərdən çıxış yolları axtaracaqlar: “Ermənistan tərəfindən Azərbaycan torpaqlarının işğalı, Dağlıq Qarabağ münaqişəsinin həlli yolları və İKT üzv ölkələrinin işğalçı ölkəyə qarşı həyata keçirəcəyi sanksiyaların müzakirəsi gündəmə salınıb. İlk dəfə beynəlxalq səviyyədə keçiriləcək İƏT Modeli 57 ölkənin akademik dairələri və ictimai fikrində Azərbaycan xalqının haqlı mübarizəsi haqqında məlumat səviyyəsinin artmasına xidmət edəcək”.

Konfransın nəticələrinə görə 3 qalib yeri müəyyən olunacaq. Qeyd olunub ki, İKGF təşkilatçılığı ilə Bakıda keçirilmiş “İƏT Modeli” simulyasiya oyunun qalibi olan beş gənc konfransda Azərbaycanı təmsil edəcək.

İstanbul _ konfrans