Sosial

Ana səhifə

Sosial

Azərbaycanda qanun pozuntusuna yol verən 46 meşə mühafizəçisi işdən azad olunub

14 iyul 2011 07:19 (UTC +04:00)

Bakı-APA. Ekologiya və Təbii Sərvətlər Nazirliyinin (ETSN) Meşələrin İnkişafı Departamentinin tabeli qurumları tərəfindən 2011-ci ilin 6 ayı ərzində 1330 hektar plan-proqnoza qarşı 1335 hektar sahədə meşə əkini və səpini işləri həyata keçirilib. ETSN-in mətbuat xidmətindən APA-ya verilən məlumata görə, meşə əkinlərinin becərilməsi məqsədilə 15893 hektar sahədə xidmət, 13636 hektar sahədə isə suvarma işləri aparılıb. 5429 kiloqram plan-proqnoza qarşı 14284 kiloqram toxum tədarük edilib. Həmçinin, tabeli qurumların tinglik sahələrinin səpin şöbələrində 49,34 hektar sahədə toxum səpilmiş, böyütmə şöbələrində 38,98 hektar sahədə 1495 min ədəd toxmacar, kökləndirmə şöbələrində isə 22 hektar sahədə 1089 min ədəd çilik basdırılıb. Eyni zamanda, 1322 hektar sahədə torpaq hazırlığı işləri aparılıb. 6 ay ərzində 77413 manat köküstə nırx dəyərində 10384 m³ həcmində qanunsuz qırıntı aktlaşdırılıb və qanunamüvafiq tədbirlər görülüb. Hesablanmış 77413 manat ziyanın 41215 manatının (53,2 %) ödənilməsi təmin olunub.
Təqsirkarlar barəsində qanunamüvafiq tədbirlər görülməsi üçün hüquq-mühafizə orqanlarına göndərilmiş 26122 manat məbləğində 140 işdən 27-nə baxılaraq 3747 manatın (14,3%) ödənilməsi təmin edilib. 2011-ci ilin müvafiq dövrü ərzində vətəndaşlardan 204 ərizə və şikayət daxil olub, onlardan 190 müraciət araşdırılaraq qanuna müvafiq tədbirlər görülüb, 14 müraciət isə icradadır.
Meşə Mühafizəsi və Bərpası Müəssisələrində aparılıb yoxlamalar zamanı işlərində qanun pozuntusuna yol verdiklərinə görə 46 nəfər meşə mühafizəçisi işdən azad olunub, 145 nəfərə töhmət, 55 nəfərə isə şiddətli töhmət verilib.

ETSN _ meşə