Sosial

Ana səhifə

Sosial

Azərbaycan ərazisində hava əsasən yağmursuz keçəcək, bəzi yerlərdə az yağıntılı olacaq

14 noyabr 2011 09:05 (UTC +04:00)

Ekologiya və Təbii Sərvətlər Nazirliyinin (ETSN) Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin APA-ya verdiyi məlumata görə, şimal-qərb küləyi gündüz arabir güclənən cənub-qərb küləyi ilə əvəz olunacaq. Havanın temperaturunun gecə 2-4 dərəcə, gündüz 7-10 dərəcə isti olacağı gözlənilir.

Noyabrın 16-da hava dəyişkən buludlu, əsasən yağmursuz keçəcək, səhər bəzi yerlərdə zəif duman olacaq. Axşam buludluluğun artacağı gözlənilir. Cənub-qərb küləyi günün ikinci yarısında şimal-qərb küləyi ilə əvəz olunacaq. Havanın temperaturu gecə 3-5 dərəcə, gündüz 7-11 dərəcə isti olacaq.

Azərbaycanın rayonlarında noyabrın 15-də bəzi yerlərdə yağıntılı olacağı, gündüz əsasən yağmursuz keçəcəyi gözlənilir. Gündüz arabir güclənən cənub-qərb küləyi əsəcək. Havanın temperaturu gecə 1 dərəcə şaxtadan 4 dərəcəyədək isti, gündüz 7-12 dərəcə isti, dağlarda gecə 5-10 dərəcə şaxta, gündüz 1-6 dərəcə isti olacağı gözlənilir. Yüksək dağlıq ərazilərdə havanın minimal temperaturu 18-23 dərəcə şaxta təşkil edəcək.

Noyabrın 16-da hava əsasən yağmursuz keçəcək, gecə və səhər bəzi yerlərdə duman olacaq. Lakin axşam bəzi şimal və qərb rayonlarında yağıntılı olacağı, qərb küləyinin əsəcəyi gözlənilir. Havanın temperaturu gecə 0-5 dərəcə, gündüz 10-13 dərəcə isti, dağlarda gecə 4-9 dərəcə şaxta, gündüz 1 dərəcə şaxtadan 4 dərəcəyədək isti olacaq. Yüksək dağlıq ərazilərdə havanın minimal temperaturu 18-23 dərəcə şaxta təşkil edəcək.

Tibbi-meteoroloji proqnoza əsasən, noyabrın 15-də Abşeron yarımadasında atmosfer təzyiqinin kəskin enməsi fonunda güclü gilavar küləyi meteohəssas insanlar üçün əlverişsiz olsa da, noyabrın 16-da meteoroloji amillərin mülayim tərəddüdü əsasən əlverişlidir.

hava