Sosial

Ana səhifə

Sosial

Bu ilin 9 ayında Azərbaycanda 70 539 yeni iş yeri açılıb

24 noyabr 2011 14:02 (UTC +04:00)

Bakı. Nicat Mustafayev - APA-Economics. Bu ilin yanvar-sentyabr ayları ərzində Azərbaycanda 70 539 yeni, o cümlədən 53 747 daimi iş yerləri açılıb.

Dövlət Statistika Komitəsindən «APA-Economics»ə verilən məlumata görə, regionların sosial-iqtisadi inkişafına istiqamətlənmiş ikinci Döv¬lət Proqramının icrasını əhatə edən (2009-cu ilin yanvarın 1-dən 2011-ci ilin oktyabrın 1-dək) olan dövr ərzində isə cəmi 217 161 olmaqla 160 983 da¬imi iş yerləri yaradılıb.

Cari ilin 9 ayında açılmış daimi iş yerlərinin 10,6%-i yeni yaradılmış müəssisə və təşkilatlarda, 12,6%-i mövcud müəssisə və təş¬kilatlarda, 0,4%-i fəaliyyətini bərpa etmiş müəssisə və təşkilatlarda, 76,4%-i isə fiziki şəxslər tərəfindən yaradılıb.

«Yeni iş yerlərinin 70,7%-i regionların, o cümlədən 20,1%-i Aran, 14,3%-i Gəncə-Qazax, 6,4%-i Lənkəran, 5,9%-i Şəki-Zaqatala, 5,6%-i Quba-Xaçmaz, 5,5%-i Abşeron, 4,3%-i Yuxarı Qarabağ, 4%-i Naxçıvan, 3,2%-i Dağlıq Şirvan, 1,4%-i isə Kəlbəcər-Laçın iqtisadi rayonunun payına düşüb», - deyə Komitədən bildirilib.

Ölkə ərazisində 96,3%-i özəl sektorda açılmış yeni iş yerlərindən daimi iş yerlərinin mütləq əksəriyyəti qeyri-neft sektorunda, o cümlədən 4,9%-i tikinti, 4,8%-i ticarət və nəqliyyat vasitələrinin təmiri, 3,3%-i emal sənayesi, 2,1%-i maliyyə və sığorta fəaliyyəti, 1,6%-i kənd təsərrüfatı, meşə təsərrüfatı və balıqçılıq, 1,3%-i dövlət idarəetməsi və müdafiə, sosial təminat, eləcə də digər fəaliyyət sahələri üzrə ixtisaslaşan müəssisə və təşkilatlarda ya¬ra¬dılıb.