Sosial

Ana səhifə

Sosial

Azərbaycan paytaxtında həftə sonu küləkli və şaxtalı hava şəraiti davam edəcək, fasilələrlə qar yağacaq

10 fevral 2012 09:25 (UTC +04:00)

Bakı. Kəmalə Quliyeva – APA. Bu gün Bakıda və Abşeron yarımadasında arabir qar yağacağı, şimal-qərb küləyinin axşama doğru güclənəcəyi gözlənilir. Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin APA-ya verdiyi məlumata görə, havanın temperaturu gündüz saatlarında 0 dərəcəyə yaxın, axşama doğru isə 5 dərəcə şaxta olacaq. Yollar buz bağlayacaq.

Fevralın 10-dan 11-ə keçən gecə və səhər güclü küləkli və şaxtalı hava şəraiti davam edəcək, fasilələrlə qar yağacaq. Şimal-qərb küləyi gecə və səhər arabir güclənəcək. Fevralın 11-də axşam şimal-qərb küləyi azacıq mülayimləşəcək. Havanın temperaturu gecə və səhər 3-7 dərəcə, gündüz isə 0-3 dərəcə şaxta proqnozlaşdırılır.

Fevralın 12-də isə səhər və axşam yarımadanın bəzi yerlərində zəif qar yağacağı, gün ərzində isə yağmursuz keçəcəyi gözlənilir. Mülayim şimal-qərb küləyi gündüz cənub küləyi ilə əvəz olunacaq. Havanın temperaturu gecə və səhər 3-7 dərəcə şaxta, gündüz isə 1 dərəcə şaxtadan 2 dərəcəyə qədər isti olacaq.

Azərbaycanın rayonlarında fevralın 11-də fasilələrlə qar yağacağı, gecə və səhər bəzi şimal və qərq rayonlarında yağıntıların intensiv olacağı gözlənilir. Ayrı-ayrı yerlərdə duman olacaq. Şimal-qərb küləyi arabir güclənəcək. Havanın temperaturu Aran rayonlarında 4-8 dərəcə, gündüz 0-3 dərəcə şaxta, dağlarda gücə 15-20 dərəcə, gündüz 5-10 dərəcə şaxta təşkil edəcək.

Fevralın 12-də havanın qərb rayonlarında əsasən yağmursuz keçəcəyi, lakin bəzi şərq rayonlarında az yağıntılı olacağı, zəif qar yağacağı gözlənilir. Havanın temperaturu Aran rayonlarında gecə 0-5 dərəcə şaxta, gündüz 1-6 dərəcə isti, dağlarda gecə 12-17 dərəcə, gündüz 1-6 dərəcə şaxta təşkil edəcək. Fevralın 12-də gündüz saatlarından başlayaraq ölkə ərazisində temperaturun nisbətən mülayimləşəcəyi gözlənilir.

hava