Sosial

Ana səhifə

Sosial

Azərbaycan paytaxtında kəskin soyuqlarla əlaqədar yaradılmış səyyar sığınacaqların dəqiq ünvanları açıqlanıb - FOTO

Azərbaycan paytaxtında kəskin soyuqlarla əlaqədar yaradılmış səyyar sığınacaqların dəqiq ünvanları açıqlanıb - <font color=red>FOTO</font>

10 fevral 2012 15:33 (UTC +04:00)

Nazirliyin İctimaiyyətlə əlaqələr şöbəsindən “APA-Economics”ə verilən məlumata görə, bu gün nazirliyin aparat rəhbərinin müavini Elnur Kələntərov sığınacaqların qurulduğu yerlərə gələrək, insanlara göstərilən xidmətin vəziyyəti ilə tanış olub, kəskin hava şəraitindən qorunmaq üçün sığınacaqlara gələn insanların istilik, eləcə də isti yemək və s. ilə təminatı işinin daha keyfiyyətlə, çevik və məqsədyönlü təşkili üçün müvafiq göstərişlərini verib.
Qeyd edək ki, sığınacaqlar Bakının Nərimanov (“Şərq” bazarının yaxınlığı, Xətai prospekti, 11), Nəsimi (Nəsimi bazarının yaxınlığı, S.Rüstəm küç. 69), Xətai (“Bakı” kinoteatrının qarşısı, Sarayev küç. 20), Xəzər (Xəzər bazarının yaxınlığı, A.İldırım küç. 18) və Nizami (“Xalqlar Dostluğu” metrosunun yaxınlığı, Q.Qarayev küç. 118) rayonlarında yerləşir.
Sığınacaqlarda yaşayış yerinə getməkdə, o cümlədən rayondan Bakıya gələrək yenidən rayona qayıtmaqda çətinlik çəkənlər, açıq havada səyyar iş görənlər, faktiki yaşayış yeri uzaqda olanlar, yaşayış və ya gecələmək üçün yeri olmayanlar (küçə uşaqları, atılmışlar və s.), yaxud müvəqqəti isinməyə və ilk yardıma ehtiyac duyan vətəndaşlar 24 saat ərzində yataqla, 3 dəfə isti yemək və çayla, istiliklə, lazım gəldikdə tibbi xidmətlə təmin olunurlar.
Sutka ərzində 142 saylı “qaynar xətt” də fəaliyyət göstərir.