Sosial

Ana səhifə

Sosial

Ümumhəmkarlar İttifaqları Konfederasiyasının baş katibi Bakıya gəlib

30 mart 2012 15:08 (UTC +04:00)

Bakı - APA-Economics. Bu gün Azərbaycan Həmkarlar İttifaqları Konfederasiyasının (HİK) İcraiyyə Komitəsinin geniş iclası keçirilib.

«APA-Economics»in məlumatına görə, iclasda MDB ölkələrinin həmkarlar təşkilatlarını birləşdirən Ümumhəmkarlar İttifaqları Konfederasiyasının (ÜİK) baş katibi Vladimir Şerbakov da iştirak edib.

Tədbirdə HİK-in rəhbəri Səttar Mehbalıyev həmkarlar təşkilatlarının ölkə vətəndaşlarının əmək hüquqlarının və normal iş şəraitinin təmin edilməsində mühüm rol oynadığını bildirib. Bununla bağlı sahibkarlar və hökumətlər mütəmadi iş aparıldığını bildirən S.Mehbalıyevin sözlərinə görə, 2008-ci ildən başlayan böhran dövründə bu fəaliyyətin daha da güclənməsi çətinliklərin bütün ağırlığının işçilərin üzərinə düşməsini qarşısını alıb.

S.Mehbalıyev Azərbaycanda əmək şəraitinin və əməyin dəyərinin ödənilməsinin beynəlxalq standartlara uyğunlaşdırılması sahəsində mütəmadi işlərin aparıldığını bildirib. Onun sözlərinə görə, indiyədək ölkə parlamenti Beynəlxalq Əmək Təşkilatının 11 konvensiyasından 5-i təsdiqləyib, qarşıdakı iki il ərzində daha iki sənədin təsdiqlənərək tətbiq edilməsi nəzərdə tutulur. HİK-in rəhbəri ÜİK-in MDB ölkələrinin həmkarlar təşkilatları ilə sıx və faydalı əməkdaşlıq etdiyini və onun təşəbbüslərinin dəstəkləndiyini bildirərək, bu əməkdaşlığın gələcəkdə də davam edəcəyini bildirib: «Bu gün ÜİK beynəlxalq təşkilat kimi inkişaf edir və MDB ölkələrində işçilərin həyatına mənfi təsir edən qlobal proseslərə operativ reaksiya verir».

ÜİK-in fəaliyyəti barədə hesabat verən Konfederasiyasının baş katibi Vladimir Şerbakov dünyadakı iqtisadi böhrana baxmayaraq, MDB-nin bəzi ölkələrində, o cümlədən Azərbaycanda sürətli iqtisadi inkişafın olduğunu və bunun işçilərin əmək şəraitində də əks olunduğunu bildirib.