Sosial

Ana səhifə

Sosial

Rusiya ali məktəblərinin azərbaycanlılar üçün ayrılmış boş qalan yerləri Ümumrusiya Azərbaycanlıları Konqresinə təqdim olunacaq

21 may 2012 08:43 (UTC +04:00)

Bakı. Kəmalə Quliyeva – APA. Bu il Rusiyanın ali məktəblərinin azərbaycanlılar üçün ayrılmış yerlərinə 23 gənc qəbul olunub. Tələbə Qəbulu üzrə Dövlət Komissiyasının (TQDK) mətbuat katibi Elnur Nağızadənin APA-ya verdiyi məlumata görə, Rusiya Federasiyasının ali təhsil müəssisələrinə müsabiqənin ikinci mərhələsinin nəticələrinə əsasən, Rusiya Federasiyası Xarici İşlər Nazirliyinin Moskva Dövlət Beynəlxalq Əlaqələr İnstitutuna (MDBƏİ) 3 nəfər, Rusiya Federasiyasının digər ali təhsil müəssisələrinin I qrup ixtisasları üzrə 4 nəfər , II qrup üzrə 5 nəfər, III qrup üzrə 5 nəfər, IV qrup üzrə 6 nəfər qəbul olunub. Qəbul olunanların sənədlər Rusiya tərəfinə təqdim etmək üçün Təhsil Nazirliyinə təqdim olunacaq.
Rusiyanın ali təhsil müəssisələrində bu il Azərbaycan gəncləri üçün 30 yer ayrılıb. Onlardan 9-u I qrup, 6-sı II qrup, 9-u III qrup, 6-sı IV qrup üzrədir. E. Nağızadə deyib ki, boş qalan yerlər Ümumrusiya Azərbaycanlıları Konqresinə veriləcək. İyun ayında TQDK Moskvada Rusiyada yaşayan AZərbaycan vətəndaşları üçün həmin yerlərə qəbul imtahanı keçirəcək.

TQDK