Sosial

Ana səhifə

Sosial

BAMF BMT-də dayanıqlı və əsaslı inkişaf istiqamətində donor və tərəfdaş təşkilatların tədbirini keçirib - FOTO

BAMF BMT-də dayanıqlı və əsaslı inkişaf istiqamətində donor və tərəfdaş təşkilatların tədbirini keçirib -<font color=red> FOTO</font>

05 iyul 2012 15:47 (UTC +04:00)

Bakı-APA. Beynəlxalq Avrasiya Mətbuat Fondu (BAMF) BMT-də dayanıqlı və əsaslı inkişaf istiqamətində donor və tərəfdaş təşkilatların tədbirini keçirib. BAMF-nin İnformasiya Departamentindən APA-ya verilən məlumata görə, bu tədbir ECOSOC-un “Minilliyin məqsədlərinə nail olmaq üçün bütün səviyyələrdə əsaslı, dayanıqlı və bərabər iqtisadi inkişaf çərçivəsində kasıbçılığın aradan qaldırılması üçün bacarıqların və faydalı işlərin dəstəklənməsi” başlığı altında yüksək səviyyəli toplantısında baş tutub.

Qeyd olunub ki, BAMF iyulun 2-9-da Nyu-York şəhərində, BMT-nin Baş Qərargahında BMT-nin İqtisadi-Sosial Şurasının (ECOSOC) Yüksək Səviyyəli Toplantısına qatılıb. Bu toplantıda BAMF “Dayanıqlı və geniş inkişaf istiqamətində işləyən donor və partnyorların toplantısı” adlı tədbirini keçirdi. Tədbirdə vətəndaş cəmiyyəti və BMT-nin donor icmasını təmsil edən nümayəndələr iştirak ediblər. ECOSOC-un QHT-lər Bölməsinin rəhbəri cənab Andrey Abramov Azərbaycanın BMT-dəki missiyası tədbirdə yaxından iştirak edib. Son illər dayanıqlı və geniş inkişaf istiqamətində həyata keçirilən işlərdə BAMF-a ən çox dəstək göstərən ABŞ Dövlət Departamentini xanım Kone Hensman təmsil edib.
Açılış sözü ilə tədbiri açıq elan edən BAMF-ın sədri Umud Mirzəyev kasıbçılıq və aclıq məsələsinə müraciət edərək bu sahədə mövcud olan qlobal strategiyanı müzakirə etmək üçün dayanıqlı və əsaslı inkişafa dəstək olan donorlar və tərəfdaşlarla görüşməyə ehtiyac olduğunu vurğulayıb.

Tədbirdə çıxış edən Azərbaycan Mili Məclisinin üzvü Qənirə Paşayeva vətəndaş cəmiyyətinin inkişafı üçün Azərbaycan hökumətinin göstərdiyi səylərdən söz açıb.

Nazirlər Kabineti Aparatının qaçqınların, məcburi köçkünlərin və miqrasiya problemləri üzrə şöbəsinin müdir müavini, Beynəlxalq Humanitar Yardım üzrə Respublika Komissiyasının nümayəndəsi Məhəmməd Məhərrəmov qaçqınlar və məcburi köçkünlər sahəsində Azərbaycan hökumətinin gördüyü işlərdən söz açıb.

BMT QAK-ın Nyu-York ofisinin direktoru Udo Canz məcburi köçkünlərin vəziyyətinin həmişə gündəlikdə olmasının vacibliyini qeyd edib. Azərbaycanda məcburi köçkün məsələsinə toxunan Udo Cans bu istiqamətdə gələcəkdə görüləcək işlərin hələ çox olduğunu bildirib və deyib ki, Dağlıq Qarabağ məsələsi həll edildikdən sonra yeni problemlərin çözülməsinə ehtiyac olacaq.

BMT İP-nin Mərkəzi Asiya və Azərbaycan üzrə bölməsinin rəhbəri Jan Harfist iştirakçılara müraciət edərək deyib: “Dayanıqlı insan inkişafı BMT İP-nin fəaliyyətinin əsasını təşkil edir. Kasıbların və marginləşmiş (zəif) qrupların ehtiyacları inkişaf prioritetləri olaraq qaldıqca, iqtisadi inkişaf iş yerləri yarada və kasıbçılığı aradan qaldıra bilməyəcək”.
Digər fikir UNİSEF-un nümayəndəsi Suba Jayasekanan tərəfindən söylənilib. O, diqqəti kasıbçılığın aradan qaldırılması istiqamətində YUNİSEF-in müraciət etdiyi yeni fəaliyyətdən - “Uşaqların hüquqları və biznes prinsipləri” layihəsindən söhbət açıb.

BMT-nin İctimai İnformasiya Departamentinin Azərbaycan nümayəndəsi Envera Selimoviç əhali arasında bərabər dayanıqlı inkişaf sahəsində QHT-lərin, xüsusilə də BAMF-ın fəaliyyətini yüksək dəyərləndirib.
Tədbirdə “ Dayanıqlı inkişaf istiqamətində əsas məsələlər kasıbçılıq, gender balansı, uşaq haqları, əlillər, təhsil, səhiyyə və ətraf mühit məsələsidir” deyən ECOSOC-un QHT-lər Bölməsinin rəhbəri Andrey Abramov QHT-lərə, xüsusilə də BAMF-a öz fəaliyyətini genişləndirməyi, dayanıqlı inkişaf istiqamətində dəstəyə ehtiyacı olan ölkələrdə də aksiyalar həyata keçirməyi tövsiyə edib.

ABŞ Dövlət Departamentinin nümayəndəsi Kone Hensman BAMF-ın Azərbaycanda vətəndaş cəmiyyətinin inkişaf etdirilməsi sahəsində gördüyü işlərdən məmnun olduğunu, təşkilatın bu istiqamətdə aparılan işlərin önündə getməsindən təsirləndiyini ifadə edib.

Sonda BAMF-ın sədri U. Mirzəyev bütün iştirakçılara tədbirin uğurlu keçməsində gördükləri işə görə dərin təşəkkürünü bildirib.

Xatırladaq ki, BAMF ECOSOC-un xüsusi məşvərətçi statuslu üzvüdür və dəfələrlə BMT-nin Yüksək Səviyyəli Toplantılarında şifahi və yazılı müraciətlərlə çıxış edib.

BMT _ BAMF