Sosial

Ana səhifə

Sosial

QİÇS virusu daşıyıcısı olan Elnarə Əhmədovanın bacısı “Ümid Yeri” Cəmiyyətində saxlanılır

16 iyul 2007 12:54 (UTC +04:00)

“Ümid Yeri” Cəmiyyəti QİÇS virusu daşıyıcısı olan Elnarə Əhmədova ilə bağlı açıqlama yayıb. Cəmiyyətdən APA-ya bildirilib ki, E. Əhmədova barədə mətbuatda dərc edilən informasiyalarda bəzi anlaşılmazlıqlara yol verilib. Məlumatda qeyd edilib ki, E. Əhmədova bu il iyulun 9-da QiÇS Mərkəzinə “Uşaq Evlərinə Qayğı İctimai Birliyi”nin sədri Sahib Teymurov tərəfindən təhvil verilib: “Sadəcə, adı çəkilən İctimai Birliyin qaynar xəttinə zəng edən Elnarə Əhmədova problemini bölüşmək və görüşmək üçün yalnız kiçik bacısının hazırda yaşadığı “Ümid yeri” Uşaq Sığınacağı və Reabilitasiya Mərkəzinə etibar etdiyini deyib. Beləliklə, Elnarə ilə “Uşaq Evlərinə Qayğı İctimai Birliyi”nin sədri Sahib Teymurovun görüşü “Ümid Yeri”ndə baş tutub. Kömək almaq məqsədilə müraciət edən qızın problemi və tanışlıqdan sonra Sahib Teymurov onu QİÇS Mərkəzinə təhvil verib”. Qeyd edilir ki, “Ümid Yeri” Cəmiyyəti daha yüzlərlə vətəndaşımızı məlum xəstəliyə yoluxma təhlükəsindən xilas edən aksiyadan məmnundur. /APA/