Sosial

Ana səhifə

Sosial

Azərbaycanda Vətəndaş Cəmiyyətinin İnkişafına Yardım Assosiasiyasının nümayəndə heyəti Amerikada səfərdə olub

14 dekabr 2007 11:41 (UTC +04:00)

Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) nümayəndə heyətinin ABŞ səfərinin yekunları ilə bağlı mətbuat konfransı keçirilib. APA-nın məlumatına görə, assosiasiyasının vitse-prezidenti Vəli Əlibəyov bildirib ki, nümayəndə heyəti noyabrın 28-dən dekabrın 4-dək həyata keçirilən səfər çərçivəsində bu ölkənin nüfuzlu QHT ilə görüşüb. Səfər zamanı 38 görüş keçirdiklərini deyən V. Əlibəyovun sözlərinə görə, bu görüşlərin 17-si ABŞ konqresində və senatında baş tutub. O, səfər zamanı Avrasiya Fondunda, ABŞ Xarici Əlaqələr Şurasında, Beynəlxalq Jurnalistika Mərkəzində və digər ictimai qurumlarda olduqlarını da diqqətə çatıdırıb: “Konqresdəki görüşlər zamanı iki konqresmen Cin Qrin və xanım Dayana Vatsona Azərbaycan həqiqətləri haqda məlumat verdik. Bu şəxslərin konqresdə mövcud olan Azərbaycan dostluq qrupuna üzvlüyünə nail olduq”. Söz Azadlığını Müdafiə Fondunun icraçı direktoru Məmməd Məmmədov isə bildirib ki, ABŞ-da cəmiyyətdə, hətta konqresdə Azərbaycan haqqında məlumatsız insanların sayı olduqca çoxdur: “Amma Dövlət Departamentində və bəzi ictimai təşkilatlarda isə Azərbaycanda gedən proseslər diqqətlə izlənilir. Amerikalılar hesab edirlər ki, bu məlumatsızlığın günahkarı azərbaycanlılardır. Çünki azərbaycanlılar ölkələri haqda düzgün məlumatları amerikalılarla çatdıra bilmirlər”. /APA/