Sosial

Ana səhifə

Sosial

Latviya ötən il 4 Azərbaycan vətəndaşına qaçqın statusu verib

01 fevral 2008 08:25 (UTC +04:00)

O bu ölkələr arasında Azərbaycanın da adını çəkib. Azərbaycanın Latviyadakı səfirliyinin Konsulluq İdarəsinin əməkdaşı Nadir Zülfüqarov APA-ya bildirib ki, səfirlik bu məlumatla bağlı Latviyanın müvafiq orqanlarına müraciət etsə də, həmin orqanlar ölkənin üzərinə götürdüyü beynəlxalq müqavilələrə əsas gətirərək, qaçqın statusu alan şəxslər haqqında məlumat verməkdən imtina edib.
Qeyd edək ki, Latviyada qaçqın statusu almaq istəyən şəxs sərhəd məntəqəsində bu ölkənin Dövlət Sərhəd Xidmətinə yazılı müraciət edir. Bu status ölkəsində irqi ayrı-seçkilik, dini, milli, siyasi və sosial mənsubiyyətinə görə təqib olunduğu barədə təkzibolunmaz sübutlar təqdim edən şəxslərə verilir. N. Zülfüqarovun sözlərinə görə, Azərbaycan vətəndaşlarına qaçqın statusu verilərkən Latviyanın miqrasiya orqanları səfirliklə heç bir məlumat dəqiqləşdirməsi aparmayıb.
Xatırladaq ki, beynəlxalq təcrübəyə görə, qaçqın statusu almaq barədə müraciətinə baxılan şəxsin gəldiyi ölkədə siyasi durum, orada milli azlıqlara münasibət, dini azadlıqla bağlı vəziyyət həmin ölkədə fəaliyyət göstərən diplomatik missiyanın vasitəsilə öyrənilir. Latviyanın Azərbaycandakı səfirliyindən isə ölkəsinin miqrasiya ilə əlaqəli qurumlarının sözügedən sahələrə dair Azərbaycandakı vəziyyətlə bağlı onlardan məlumat alıb-almadıqları barədə sualı cavablandırmaqdan imtina ediblər. /APA/