Sosial

Ana səhifə

Sosial

Milli QHT Forumunun növbədənkənar qurultayında prezident seçkiləri zamanı qurumun fəaliyyət istiqamətlərinə aydınlıq gətiriləcək

13 may 2008 13:28 (UTC +04:00)

Bakı. Ramil Məmmədli-APA. Milli QHT Forumunun sədr əvəzi Rauf Zeyni növbədənkənar VII qurultayının keçirilməsi ilə bağlı mətbuat konfransı keçirib. APA-nın məlumatına görə, R. Zeyni bildirib ki, forumun aprelin 29-da keçirilən İdarə Heyətinin toplantısında Azay Quliyev QHT-lərə Dövlət Dəstəyi Şurasının sədri təyin olunması ilə əlaqədar qurumun prezidenti vəzifəsindən istefa verib. O, Qurultaya hazırlıq üzrə Təşkilat Komitəsinin yaradıldığını da söyləyib. R. Zeyni deyib ki, iyulun 2-də keçiriləcək qurultayda forumun prezidentliyinə və digər postlara seçkilər keçiriləcək. Onun sözlərinə görə, qurultayda Azərbaycan prezidentli postuna seçkilər zamanı forumun fəaliyyət istiqamətlərinə də aydınlıq gətiriləcək: “Forum ötən seçkilər zamanı müşahidə missiyasını həyata keçirib. Bu dəfə də bu missiyanı davam etdirə bilər”. R. Zeyni qurultayda sədr vəzifəsinə öz namizədliyini irəli sürəcəyini də istisna etməyib. O, forumun üzvlərini qurultay öncəsi proseslərdə fəal iştirak etməyə çağırıb.
Qeyd edək ki, Milli QHT Forumu 1999-cu ildə yaradılıb və hazırda bu qurum öz sıralarında 400-ə yaxın QHT-ni birləşdirir.