2023-cü ilin 19-20 sentyabr tarixlərində Qarabağda həyata keçirilən antiterror əməliyyatı zamanı ağır yaralanan, ötən gün vəfat edən Azərbaycan Ordusunun zabiti, leytenant Bağırov Ülvi Hənifə oğlu dəfn olunub.
APA xəbər verir ki, zabit anadan olduğu Salyan şəhərində yerləşən Şəhidlər xiyabanında torpağa tapşırılıb.
Dəfn mərasimində Milli Məclis üzvləri, Salyan rayon İcra Hakimiyyətinin rəhbərliyi, ictimaiyyət nümayəndələri iştirak etdilər.
Yaylım atəşi açılıb. Cənazəyə bükülən Dövlət bayrağı şəhidin atasına təqdim olunub.
Qeyd edək ki, Bağırov Ülvi Hənifə oğlu aprelin 7-də müalicə olunduğu tibb müəssisəsində vəfat edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
