290 nömrəli körpələr evi - uşaq bağçasında tərbiyəçi- müəllim və xadimə-dayə tərəfindən uşağa qarşı uyğunsuz davranış və fiziki təzyiq göstərilməsi ilə bağlı bağça rəhbərliyi tərəfindən araşdırma aparılıb.
Bu barədə APA-nın sorğusuna cavab olaraq 290 nömrəli körpələr evi - uşaq bağçasından məlumat verilib.
Bildirilib ki, qanunvericiliyə uyğun olaraq qeyd edilən tərbiyəçi-müəllim və xadimə-dayə tutduqları vəzifədən azad edilib, onlarla bağlanmış əmək müqaviləsinə xitam verilib.
Mövzu ilə bağlı Daxili İşlər Nazirliyindən APA-ya bildirilib ki, sözügedən məsələ ilə bağlı araşdırma aparılır.
Qeyd edək ki, Bakı şəhəri Yasamal rayonundakı 290 saylı bağçasında müəllimin azyaşlıya şiddət göstərməsi ilə bağlı müşahidə kamerası görüntüləri yayılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
