Əmək və Əhalinin Sosial Müdafiəsi Nazirliyinin tabeliyindəki Dövlət Tibbi-Sosial Ekspertiza və Reabilitasiya Agentliyi tərəfindən bu ilin yanvar-iyul aylarında əlilliyi olan şəxslərə 64 min reabilitasiya vasitəsi verilib.
Bu barədə APA-ya nazirlikdən məlumat verilib.
Bildirilib ki, onlardan 4,5 mini təkərli oturacaq (o cümlədən 148-i mühərrikli təkərli oturacaq), 1434-ü aşağı və yuxarı ətraf protezi, 1527-si eşitmə aparatı, 1602-si qoltuqaltı və dirsəkaltı ağac olub.
Həmçinin əlilliyi olan şəxslərə 2106 cüt protez ayaqqabı, 3581 cüt ortopedik ayaqqabı, 51 korset və s. reabilitasiya vasitələri təqdim olunub.
Bu ilin 7 ayında ümumilikdə 8,5 min nəfər əlilliyi olan şəxs reabilitasiya vasitəsi ilə təmin edilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
