Hazırda Kahramanmaraşda Fövqəladə Hallar Nazirliyinin (FHN) mobil səhra hospitalı da fəaliyyət göstərir.
APA-nın Türkiyəyə ezam olunan müxbiri Səlcuq Elçin xəbər verir ki, bunu jurnalistlərə açıqlamasında fövqəladə hallar nazirinin müavini general-leytenant Etibar Mirzəyev deyib.
Nazir müavini bildirib ki, o özü bu gün hospitala baş çəkib: “Həmin mobil səhra hospitalında zəlzələdən zərərçəkənlərə tibbi yardım göstərilir. 41 nəfərdən ibarət olan həkim personalı xidmətlərini davam etdirir”.
Nazir müavini qeyd edib ki, hazırda ərazidə axtarış-xilasetmə əməliyyatları davam edir: “Xilasedicilərdən əlavə olaraq xüsusi təlim görmüş 8 it də əməliyyat-axtarış tədbirlərinə cəlb olunub. Hər saat, hər dəqiqə bizim üçün vacibdir. Xilasedicilərimiz öz canı, qanı bahasına axtarış aparır. Xilasedicilərimiz gecə-gündüz, 24 saat ərazidədir, axtarışları davam etdirirlər”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
