Sosial

Ana səhifə

Sosial

«JALƏ» brendi 2013-cü ili “Sağlam və savadlı cəmiyyət” şüarı altında keçirəcək

28 dekabr 2012 09:11 (UTC +04:00)

Bakı – APA-Economics. «JALƏ» brendi 2013-cü ili “Sağlam və savadlı cəmiyyət” şüarı altında keçirəcək.

«JALƏ» brendinin İctimaiyyətlə əlaqələr üzrə meneceri Tamilla Abdullayevanın “APA-Economics”ə verdiyi məlumata görə, 2013-cü il ictimaiyyətin sağlam həyat tərzinə münasibətinin formalaşdırılması baxımından şirkətin inkişafında çox əhəmiyyətli bir mərhələ olacaq, eləcə də cəmiyyətdə təhsilin səviyyəsinin yüksəldilməsinə öz töhfəsini verəcək.

“Əgər biz əvvəllər FMCG bazarında işləyən şirkətlərin əksəriyyəti kimi müştərilərimiz arasında əyləncə xarakterli müxtəlif müsabiqələrin keçirilməsinə üstünlük verirdiksə, növbəti ildə fəal gənclərin, uşaqların, ailələrin iştirak edəcəyi çoxsaylı tədbirlərin, müsabiqələrin, reklam kampaniyalarının keçirilməsini nəzərdə tutan “Sağlam və savadlı cəmiyyət” şüarı altında fəaliyyət göstərəcəyik. Bu tədbirlərdə iştirak edən insanlar arasında biz sağlam həyat tərzi, idman, düzgün qidalanma və bizim üçün çox böyük əhəmiyyət kəsb edən təhsilə qoşulmaq istəyənləri həvəsləndirmək və hər vasitə ilə təşviq etməyi qarşımıza məqsəd qoymuşuq” – deyə T.Abdullayeva qeyd edib.

Onu sözlərinə görə, dekabrın 26-dan etibarən “JALƏ”nin “Facebook”dakı səhifəsində çox maraqlı bir müsabiqəyə start verilib: “Müştərilərimiz hər gün burada təqdim edilən suallara cavab verərək, qiymətli hədiyyələr qazana bilərlər. Ancaq müsabiqənin əsas xüsusiyyəti ondadır ki, bizim hədiyyələrimiz yaşadığımız cəmiyyətdə bu cür müsabiqələrdə qəbul edilən və adi hədiyyələrdən fərqlənir. Bizim hədiyyələrimizin sırasına bestseller kitablar, dünyanın şəkil qalereyalarının, muzeylərinin kataloqları, dahi yazıçıların ən maraqlı romanlarının hədiyyəlik nəşrləri, dünyanın istənilən kitabxanasındakı kitabları köçürmək və oxumaq imkanı verən elektron kitablar, smartfonlar və s. daxildir. Müsabiqə 1 yanvar tarixindən sonra da bir neçə gün ərzində davam edəcək”.

Arzu edən hər kəs https://www.facebook.com/pages/Jalə/366343363443329?fref=ts səhifəsini ziyarət edərək, müsabiqədə iştirak edə və hədiyyələr qazana bilər.