Bakı. Gülnar Bəşirova - APA. Ailə, Qadın və Uşaq Problemləri üzrə Dövlət Komitəsinin sədr müavini Aynur Sofiyeva Brazilyada keçirilən Uşaq Əməyi üzrə III Qlobal Konfransa qatılıb. Komitənin mətbuat xidmətindən APA-ya verilən məlumata görə, konfransda BMT-yə üzv ölkələrin uşaq məsələləri üzrə fəaliyyət göstərən qurumlarının ekspertləri, o cümlədən bu məsələlər üzrə məsul nazirləri iştirak ediblər. Konfransda Beynəlxalq Əmək Təşkilatının 182 saylı Konvensiyasına uyğun olaraq 2016-cı ilə qədər uşaq əməyinin istismarının aradan qaldırılması sahəsində müzakirələr aparılıb, ölkələr və regionlar arasında təcrübə mübadiləsini genişləndirmək və uşaq əməyinin əs pis formalarının aradan qaldırılması sahəsində əməkdaşlığı gücləndirmək təklif olunub.
A. Sofiyeva da mövzu ətrafında çıxış edərək konfrans iştirakçılarına Azərbaycanın bu sahədə həyata keçirdiyi işlər və əldə etdiyi nailiyyətlər, eləcə də ölkəmizdə uşaq hüquqları sahəsində mövcud qanunvericilik barədə məlumat verib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
