Bakı. Könül Kamilqızı – APA. “Azərbaycanda müstəqillik dövründə çox güclü vətəndaş cəmiyyəti formalaşıb”. APA-nın xəbərinə görə, bunu Prezident Administrasiyasının ictimai-siyasi şöbəsinin müdir müavini Tahir Süleymanov Bakıda keçirilən “Gənclər təşkilatlarının IV respublika sərgisi”nin açılış mərasimində deyib. O bildirib ki, Azərbaycanda dövlət və özəl sektorla yanaşı, qeyri-hökumət təşkilatlarından ibarət olan üçüncü sektor da fəaliyyət göstərir. PA rəsmisinin sözlərinə görə, bu gün Ədliyyə Nazirliyində 2800-dən çox QHT qeydiyyata alınıb: “Onların təxminən 200-ü gənclər təşkilatlarıdır. Amma tam inamla deyə bilərəm ki, bu gün ölkədə fəaliyyət göstərən gənclər təşkilatları QHT-lərin ən fəal və dinamik hissəsini təşkil edir. Bu da onunla bağlıdır ki, gənclik özü-özlüyündə enerjili və təşəbbüskar bir qüvvədir. Həmçinin, Gənclər və İdman Nazirliyi 1994-cü ildən bu günə kimi gənclər təşkilatlarına hərtərəfli mənəvi və maliyyə dəstəyi göstərib. Bütün bu diqqət və qayğı həmin təşkilatların inkişafına səbəb olub”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
