Ekologiya və Təbii Sərvətlər Nazirliyinin Bioloji Müxtəlifliyin Qorunması və Xüsusi Mühafizə Olunan Təbiət Ərazilərinin İnkişafı Departamentindən APA-ya verilən xəbərə əsasən, Azərbaycan ərazisində 2013-2014-cü illərin ov mövsümündə vəhşi heyvanların ovlanmasının müddətləri və normaları təyin edilib.
Buna əsasən, təkənin 1 iyun-19 oktyabr 2013-cü il tarixlərində 1 baş (3 nəfərdən az olmayan qrup ovçulara), qabanın (Çöl donuzu) 14 sentyabr-21 dekabr 2013-cü il 1 baş (3 nəfərdən az olmayan qrup ovçulara), dovşanın 9 noyabr 2013-cü il-11 yanvar 2014-cü il 2 baş, bataqlıq qunduzunun (nutriya) 12 oktyabr 2013-cü il-22 fevral 2014-cü il (volyerlərdə saxlamaq üçün) ovlanması müəyyənləşib.
Bununla əlaqədar vətəndaşları maraqlandıran əlavə məlumatların alınması və ov icazələrinin əldə edilməsi üçün aidiyyəti üzrə Ərazi Ekologiya və Təbii Sərvətlər Şöbələrinə müraciət oluna bilər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
