Bakı – APA-Economics. Azərbaycan Dövlət Sosial Müdafiə Fondu (DSMF) tərəfindən Bu ilin I rübündə əlavə olaraq 161 015 sığortaolunana fərdi şəxsi hesab açılaraq sosial sığorta şəhadətnamələri paylanılıb. Fonddan «APA-Economics»ə verilən məlumata görə, 2013-cü il aprelin 1-nə Azərbaycanda fərdi şəxsi hesaba malik sığortaolunanların ümumi sayı 2 427 089 nəfərə çatıb. Dövlət sosial sığorta sistemində fərdi şəxsi hesabı olan sığortaolunanların 57,9% kişi, 42,1%-i isə qadındır.
Fərdi şəxsi hesabı olanlar arasında 30-40 yaş aralığında sığortaolunanlar nisbətən üstünlük təşkil edir. Göstərilən yaş kateqoriyasına aid olan vətəndaşlar ümumi sığortaolunanların 23,6%-ni əhatə edir. Bundan başqa, fərdi uçot sistemində 30 yaşa kimi sığortaolunan vətəndaşlar 22,9%, 40-50 yaşda olan sığortaolunanlar 22,8%, 50-60 yaşda olan sığortaolunanlar 20,8%, 60 yaşdan yuxarı olan sığortaolunanlar isə 9,9% təşkil edir.
Qeyd edək ki, fərdi uçot - Azərbaycan qanunvericiliyinə uyğun əmək pensiyaları və digər sosial müdafiə hüquqlarının təmin edilməsi üçün hər bir sığortaolunan haqqında məlumatların uçotunun təşkili və aparılmasıdır. Artıq 2006-cı il yanvarın 1-dən tətbiq olunan «Əmək pensiyaları haqqında» qanuna əsasən, əmək pensiyaları fərdi hesaba toplanan pensiya kapitalına əsasən hesablanır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
