Bakı. Könül Kamilqızı – APA. Azərbaycanın regionlarında artıq 500-dən çox ürək əməliyyatları keçirilib. APA-nın məlumatına görə, bunu jurnalistlərə açıqlamasında Azərbaycan Ürək və Sağlamlıq Assosiasiyası İctimai Birliyinin sədri, ürək-damar cərrahı Rəşad Mahmudov deyib.
O bildirib ki, 2006-cı ildən başlayaraq regionlarda da ürək əməliyyatları həyata keçirilir. Əməliyyat olunan insanların 20%-ə qədəri anadangəlmə ürək qüsurlu insanlar olub.
R.Mahmudov qeyd edib ki, bu gün Azərbaycanda ürəyin 6-7 qüsuru olan insanlar belə uğurla əməliyyat olunur. Onun sözlərinə görə, ürək əməliyyatlarına xarici mütəxəssislər də cəlb olunur və onlar yerli kadrların ixtisaslaşmasının artırılmasına öz töhfələrini verirlər: «Ümumiyyətlə, Azərbaycanda maddi cəhətdən imkansız ailələrin ürək-qüsurlu uşaqlarının əməliyyat olunmasına Heydər Əliyev Fondu tərəfindən vəsait ayrılır və bundan sonra da iş davam etdiriləcək».
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
