Bakı. Könül Kamilqızı - APA. Azərbaycanda ən müasir səviyyədə inşa və təchiz edilmiş Bakı Sağlamlıq Mərkəzi yaxın günlərdə istifadəyə veriləcək.
APA-nın xəbərinə görə, bu barədə Səhiyyə Nazirliyinin Tibbi Yardımın Təşkili şöbəsinin müdiri Gülmirzə Poladov 2013-cü ilin yekun hesabatlarına həsr olunmuş kollegiya iclasında məlumat verib.
O bildirib ki, son 10 il ərzində ümumilikdə 500-ə yaxın səhiyyə müəssisəsində təmir və tikinti işləri aparılıb. Onlardan təxminən 70%-i regionların payına düşür. Təkcə 2013-cü il ərzində 81 tibb müəssisəsində təmir-tikinti işləri aparılıb. Bunlardan 43-ü Bakı şəhərində, 38-i isə regionlarda yerləşən səhiyyə müəssisələridir. 56 tibb müəssisəsində (33-ü Bakı, 23-ü rayon) təmir işləri başa çatdırılıb və istifadəyə verilib. İri səhiyyə ocaqlarının açılışında ənənəvi olaraq prezident İlham Əliyev şəxsən iştirak edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
