Bakı. Fuad Cəfərov - APA. Fövqəladə Hallar Nazirliyinin Dövlət Yanğın Nəzarəti Xidməti bölgələrdə yanğın təhlükəsizliyi ilə bağlı tədbirlər keçirib.
Xidmətdən APA-ya verilən məlumata görə, tədbirlərdə dənli və texniki bitkilərin yığılması, daşınması, saxlanması və emalı ərəfəsində «Aqrolizinq» Açıq Səhmdar Cəmiyyətinin Neftçala və İmişli “Aqroservis” filiallarında keçirdiyi tədbirlərdə məhz yanğın təhlükəsizliyi məsələləri diqqət mərkəzində durub. Kənd təsərrüfatı texnikalarına, elektrik təsərrüfatına, əraziyə baxış keçirilib. Təsərrüfat rəhbərləri tərəfindən müvafiq texniki işçilərin təlimatlandırılması, yanğın təhlükəsizliyinin təmin olunması üçün müvafiq tövsiyələr verilib, yanğına qarşı təbliğat xarakterli söhbətlər aparılıb.
"Aqrolizinq» Açıq Səhmdar Cəmiyyətinin Aqroservis filiallarında keçirilən tədbirlərdə texnikaların ilkin yanğınsöndürmə vasitələri ilə təmin olunması işinin vəziyyəti öyrənilib, ilkin yanğınsöndürmə vasitələrinin, o cümlədən avtomatik yanğınsöndürmədə yeni texnologiya olan Tailandda istehsal olunmuş avtomatik yanğınsöndürmə topunun texniki xüsusiyyətləri, istifadə qaydası haqqında ətraflı söhbət açılıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
