Cəlilabad. Ağəddin Babayev – APA. Mayın 18-də Ailə, Qadın və Uşaq Problemləri üzrə Dövlət Komitəsinin (AQUPDK) sədri Hicran Hüseynova Cəlilabadda vətəndaşları qəbul edib. APA-nın cənub bürosunun məlumatına görə, şəhərin Heydər Əliyev Mərkəzində reallaşan qəbulda Cəlilabadla yanaşı, Lənkəran, Astara, Lerik, Yardımlı və Masallı rayon sakinləri də iştirak ediblər. Qəbul zamanı Komitə sədrinə edilən müraciətlərdə qadın, ailə və uşaq problemləri ilə bağlı məsələlər üstünlük təşkil edib. AQUPDK-nin səlahiyyətinə aid olmayan şikayətlər isə aidiyyəti qurumlara göndərilmək üçün nəzarətə götürülüb.
Qəbuldan sonra H. Hüseynova Cəlilabad rayonunun bir qrup fəal qadını ilə görüşərək, onlarla söhbətləşib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
