Bakı. Məlahət Nəcəfova – APA. “İnternetlə bağlı müxtəlif ölkələrdə, o cümlədən Azərbaycanda qanunlar və proqramlar hazırlanır. Bu məsələ dövrümüzdə böyük problemə çevrilib. Adətən valideynlər uşaqlarının internetdən istifadəsini nəzarətdən qaçırırlar”. APA-nın xəbərinə görə, bunu Ailə, Qadın və Uşaq Problemləri üzrə Dövlət Komitəsinin sədri Hicran Hüseynova jurnalistlərə açıqlamasında deyib.
O bildirib ki, uşaq hüquqları baxımından onların internetdən istifadəsi çox vacibdir: “Lakin internetin müxtəlif mənfi təsirləri var. Komitə tərəfindən Azərbaycanın müxtəlif şəhər və rayonlarında monitorinqlər aparılıb. Monitorinqlər zamanı aşkarlanıb ki, uşaqlar dərs vaxtı internet klublarda otururlar. Ümumiyyətlə, orta məktəblərin yanında internet klublar niyə açılır? Bütün bunlar kompleks şəkildə həll olunmalı məsələlərdir. Bu problemə dövlət səviyyəsində nəzarət həyata keçiriləcək”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
