Bakı. Aynur Əliyeva - APA-Economics. Azərbaycanın nəqliyyat naziri Ziya Məmmədov avqustun 20-də saat 11:00-da Masallı şəhərindəki Gənclər Mərkəzində Masallı, Cəlilabad, Yardımlı, Lənkəran, Lerik, Astara və Biləsuvar (Cəbrayıl) rayonlarında yaşayan vətəndaşları qəbul edəcək.
Nəqliyyat Nazirliyinin mətbuat xidmətindən “APA-Economics”ə verilən məlumata görə, görüşün məqsədi vətəndaşların qəbulu və müraciətlərinə baxılması, mövcud nəqliyyat problemlərinin araşdırılması və həll edilməsindən ibarətdir.
Qeyd edək ki, qəbula gəlmək istəyən vətəndaşların qeydiyyatı avqustun 19-da saat 09:00-dan 18:00-dək müvafiq olaraq aşağıdakı ünvanlarda aparılacaq:
- Biləsuvar 40 saylı Yol İstismarı İdarəsi (Biləsuvar şəhəri, Vaqif küçəsi, 1);
- Lənkəran 42 saylı Yol İstismarı İdarəsi (Lənkəran şəhəri, Şəhidlər Xiyabanı küçəsi 340);
- Lerik 43 saylı Yol İstismarı İdarəsi (Lerik şəhəri, Elmar Qarayev küçəsi 74);
- Yardımlı 44 saylı Yol İstismarı İdarəsi (Yardımlı şəhəri, Heydər Əliyev pr.110);
- Cəlilabad 56 saylı Yol İstismarı İdarəsi (Cəlilabad rayonu, Göytəpə qəsəbəsi, Qurtuluş küçəsi 121);
- Astara 52 saylı Yol İstismarı İdarəsi (Astara rayonu, Pensər kəndi, Ələt-Astara a/y 222);
Masallı 41 saylı Yol İstismarı İdarəsi (Masallı şəhəri, Talışxanov prospekti 1).
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
