Bakı. Könül Kamilqızı - APA. Tələbə Qəbulu üzrə Dövlət Komissiyası (TQDK) Azərbaycan Respublikasının Baş Prokurorluğu ilə birgə yanvarın 31-də prokurorluq orqanlarında işə qəbul olmaq istəyən namizədlər üçün test imtahanı keçirir.
TQDK-nın mətbuat xidmətindən APA-ya verilən xəbərə görə, işə qəbulla bağlı ərizə qəbulu ötən il sentyabrın 2-dən dekabrın 31-dək prokurorluq tərəfindən aparılıb və 100 ştat vahidi üzrə müsabiqədə iştirak etmək istəyən 373 nəfərin namizədliyi qeydə alınıb.
İmtahan saat 10:00-da Azərbaycan Texniki Universitetinin İdman Sarayında başlanır. İmtahanın keçirilməsi qaydaları namizədlərə “Yaddaş kitabçası”nda təqdim olunub. Namizədlər 27-30 yanvar tarixlərdə saat 09:15-dən 18:00-dək şəxsiyyət vəsiqəsini və sənədlərin qəbulu barədə qəbzi təqdim etməklə, “Yaddaş kitabçası”nı və “Test imtahanına buraxılış vərəqəsi”ni Baş Prokurorluğun əsas inzibati binasının qəbul otağından ala bilərlər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
