Bakı. Məlahət Nəcəfova - APA. Türkiyənin 9-cu prezidenti Süleyman Dəmirələ “Nizami” qızıl medalı təqdim olunub.
APA-nın xəbərinə görə, mükafatı Beynəlxalq Nizami Gəncəvi Mərkəzinin icraçı direktoru Rövşən Muradov və Azərbaycanın Türkiyədəki səfiri Faiq Bağırov təqdim edib.
Mərasimdə çıxış edən S.Dəmirəl Nizami Gəncəvinin 870 illik yubileyinin qeyd olunduğunu bildirib: “Gəncəvi böyük bir elm adamı, sənətçi, musiqiçidir, hüquqşünasdır. Türk dünyasında ona böyük hörmət bəslənilir. Onun daha çox tanınmasını və fikirlərindən istifadə olunmasını istəyirik”.
Beynəlxalq Nizami Gəncəvi Mərkəzinin icraçı direktoru Rövşən Muradov isə bu medalın Nizamini daha çox tanıtmaq məqsədi ilə təsis edildiyini bildirib. O, ilk medalın Süleyman Dəmirələ verildiyini vurğulayıb.
Sonda S.Dəmirələ üzərində Nizami Gəncəvinin əlyazmasının olduğu tablo, qızıl medal, UNESCO-nun rəhbərinin imzası olan diplomu və əllə toxunmuş xalı hədiyyə edilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
