Bakı. Könül Kamilqızı - APA. Ötən il vakant yerlərə imtahan yolu ilə qəbul olunan müəllimlərdən bir neçə nəfəri həmin yerdən imtina edib.
Təhsil Nazirliyindən APA-ya verilən xəbərə görə, 2012-2013-cü tədris ili üçün müəllimlərin işə qəbulu üzrə müsabiqənin nəticələrinə əsasən, işə qəbul olunduqdan sonra imtina olunmuş vakant yerlərdən əksəriyyəti Ağsu, İmişli, Gədəbəy, Quba, Lerik və Yardımlı rayonlarının payına düşüb.
Təhsil Nazirliyi ali təhsil müəssisələrinin Nazirlər Kabinetinin müəyyənləşdirdiyi lisenziya şərtlərinə uyğun fəaliyyət göstərməsi məsələsinə də aydınlıq gətirib. Belə ki, prezidentin fərmanı ilə təsdiq edilmiş “Azərbaycan Respublikasında bəzi fəaliyyət növlərinə xüsusi razılıq (lisenziya) verilməsi haqqında Qaydalar”da lisenziya almış hüquqi və fiziki şəxslər tərəfindən lisenziya tələblərinə və şərtlərinə riayət olunmasına dair ildə bir dəfə İqtisadi İnkişaf Nazirliyi tərəfindən müəyyən edilmiş formada məlumatın lisenziya vermiş orqana təqdim edilməsi yolu ilə həyata keçirilir. Qeyd olunanlarla bağlı məsələlərə növbəti tədris ilindən başlayaraq baxılacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
