Bakı. Gülnar Bəşirova-APA. Tələbə Qəbulu üzrə Dövlət Komissiyası Qırğızıstan-Türkiyə Manas Universitetində təhsil almaq istəyən abituriyentlər üçün psixologiya, sosologiya, kompyuter mühəndisliyi, iqtisadiyyat və turizm ixtisaslarına müsabiqə elan edib. TQDK-nın mətbuat xidmətindən APA-ya verilən xəbərə görə, kompyuter mühəndisliyi və psixologiya ixtisasları üzrə müsabiqədə I və IV ixtisas qrupları üzrə keçirilən qəbul imtahanlarında ümumi balı 250-dən və hər bir imtahan fənni üzrə ayrılıqda topladığı nisbi balı 10-dan az olmayan abituriyentlər iştirak edə bilərlər.
Sosiologiya, iqtisadiyyat və turizm ixtisasları üzrə müsabiqədə isə Azərbaycan Respublikası ali təhsil müəssisələrinə II ixtisas qrupu üzrə keçirilən qəbul imtahanında ümumi balı 300-dən və hər bir imtahan fənni üzrə ayrılıqda topladığı nisbi balı 10-dan az olmayan abituriyentlər iştirak edə bilərlər.
Müsabiqədə iştirak etmək istəyənlər avqustun 26-dan 30-dək TQDK-ya müraciət edə bilərlər. Müsabiqədən uğurla keçən 10 abituriyent Manas universitetində dövlət sifarişi əsasında təhsil alacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
