Bakı. Könül Kamilqızı – APA. Azərbaycan ilə Türkiyə Respublikası arasında hərbi təhsil sahəsində bağlanmış müqaviləyə əsasən Daxili İşlər Nazirliyinin Daxili Qoşunlarının xətti ilə 2013/2014-cü tədris ili üçün Türkiyə Respublikasının Gülhanə Hərbi Tibb Akademiyasının gizir feldşer məktəbinə (orta ixtisas məktəbinə) iki illik təhsil proqramı üzrə müsabiqə elan edilir.
Tələbə Qəbulu üzrə Dövlət Komissiyasından APA-ya verilən xəbərə görə, müsabiqədə bu il IV ixtisas qrupu üzrə qəbul imtahanlarında 300-dən yüksək bal toplamış oğlan abituriyentlər iştirak edə bilərlər. Müsabiqədə iştirak edənlər arasından 1 nəfər gəncin seçilib iki il müddətinə Türkiyə Respublikasının Gülhanə Hərbi Tibb Akademiyasının gizir feldşer məktəbinə (orta ixtisas məktəbinə) göndərilməsi nəzərdə tutulub.
Müsabiqədə iştirak etmək istəyənlər avqustun 2-dən 7-dək hər gün (bazar günü istisna olmaqla) saat 10-dan 17-dək TQDK-ya müraciət edə bilərlər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
