Masallı. Ağəddin Babayev – APA. Masallıda yanğın hadisəsi baş verib.
APA-nın cənub bürosunun məlumatına görə, hadisə bu gün səhər saatlarında rayonun Banbaşı kəndi ərazisində qeydə alınıb.
Kənd sakini, 1997-ci il təvəllüdlü Rafət Özbək oğlu Məmmədovun idarə etdiyi minik avtomobili hərəkətdə olarkən qəfildən alışıb. Əraziyə dərhal Fövqəladə Hallar Nazirliyinin Masallı Rayon Yanğından Mühafizə Hissəsinin 2 yanğınsöndürən maşını və canlı qüvvəsi cəlb olunub. Yanğın lokallaşdırılıb. Hadisə zamanı xəsarət alan olmasa da, avtomobilin salonu və mühərrikinin elektrik avadanlıqları yanaraq sıradan çıxıb.
Faktla bağlı araşdırma aparılır.