Bakı. Şəhriyar Əlizadə -APA. Bakı Ağır Cinayətlər Məhkəməsində həyat yoldaşını öldürməkdə təqsirləndirilən Tural Kazımovun məhkəməsi başa çatıb.
APA-nın məlumatına görə, məhkəmənin hökmü ilə Tural Kazımov 10 il müddətə azadlıqdan məhrum edilib.
Qeyd edək ki, qətl bu il iyun ayının 20-də Bakının Suraxanı rayonunda törədilib. 1988-ci il təvəllüdlü T. Kazımov həyat yoldaşı, 1991-ci il təvəllüdlü Maya Kazımovanı boğaraq qətlə yetirib və polisə təslim olub. O, qətli qısqanclıq zəminində törətdiyini deyib.