Bakı-APA. Hindistanın Maxaraştra ştatında yük avtomobilinin sərnişin avtobusu ilə toqquşması nəticəsində azı 7 nəfər ölüb, 32 nəfər xəsarət alıb.
APA-nın TASS agentliyinə istinadən verdiyi məlumata görə, insident Mumbay-Qoa şosesində qeydə alınıb.
Qəzanın baş verməsinə yük maşınının sürücünün avtomobili yüksək sürətlə idarə etməsi səbəb olub. Hadisə yerində 7 nəfər keçinib, 32 nəfər xəstəxanalara yerləşdirilib, onlardan 8-nin vəziyyəti ağır kimi qiymətləndirilir.
Faktla bağlı cinayət işi açılıb, araşdırma aparılır.