Bakı. Cavid Zeynallı – APA. Bakının Sabunçu rayonu ərazisində yanğın hadisəsi qeydə alınıb.
APA-nın məlumatına görə, rayonun Maştağa qəsəbəsindən Ramana qəsəbəsinə gedən yolun üstündəki qamışlıq sahə yanıb.
Fövqəladə Hallar Nazirliyindən APA-ya bildirilib ki, yanğının digər ərazilərə keçirilməsinin qarşısı alınıb. Yanğın yanğınsöndürənlər tərəfindən söndürülüb.