Bakı - APA. İyulun 1-də Soçidə Qara dəniz İqtisadi Əməkdaşlıq Təşkilatının (QDİƏT) xarici işlər nazirlərinin görüşü keçiriləcək.
APA-nın “RİA Novosti” agentliyinə istinadən verdiyi məlumata görə, bu barədə Rusiya Xarici İşlər Nazirliyi xəbər yayıb.
QDİƏT xarici işlər nazirləri Şurasının iclasında Rusiyanın QDİƏT-ə sədrliyi ilə bağlı işlərin nəticələri müzakirə olunacaq.
Qeyd edək ki, QDİƏT 1999-cu ildə yaradılıb. Təşkilatda 12 dövlət - Azərbaycan, Albaniya, Ermənistan, Bolqarıstan, Yunanıstan, Gürcüstan, Moldova, Rusiya, Rumıniya, Serbiya, Türkiyə və Ukrayna təmsil olunur.