Bakı. Musa Əhmədov – APA-Economics. Kredit qoyuluşlarında vaxtı keçmiş kreditlərin həcmi bu ilin sentyabr ayının 1-nə 1 mlrd. 592,9 mln. manat təşkil edib.
“APA-Economics” Azərbaycan Mərkəzi Bankına istinadən xəbər verir ki, bu illik müqayisədə 259,3 mln. manat və ya 19,44% çoxdur.
Bu ilin iyul ayı ilə müqayisədə avqustda problemli kreditlərin həcmi 88,5 mln. manat və ya 5,88% artıb.
Hesabat dövründə milli valyutada 8 755,1 mln. manatlıq kredit verilib ki, bunun da 754,8 mln. manatının və ya 8,62%-nin ödəmə vaxtı gecikir. Bu müddətdə xarici valyutada 8 084,5 mln. manatlıq kredit verilib. Xarici valyutada problemli kreditlərin həcmi 838 mln. manat və ya 10,37% təşkil edir. Ümumiyyətlə, manatda vaxtı keçmiş kreditlərin ümumi problemli kreditlərin həcmində çəkisi 47,39%, xarici valyutada isə bu göstərici 52,61% təşkil edir.
Onu da qeyd edək ki, vaxtı keçmiş kreditlərin həcmi ümumi kredit qoyuluşlarında xüsusi çəkisi 9,46 təşkil edir. Xatırladaq ki, iyulda bu göstərici 9% olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
