Bakı. Məlahət Nəcəfova - APA. Avropa İttifaqının əsasını qoyan 6 ölkənin xarici işlər nazirləri iyunun 25-də Böyük Britaniyanın Avropa İttifaqından çıxması ilə bağlı keçirilən referendumun nəticələrini müzakirə edəcəklər.
APA-nın TASS-a istinadən verdiyi məlumata görə, Almaniya, Fransa, İtaliya, Belçika, Niderland və Lüksemburq xarici işlər nazirləri Berlində, Almaniya XİN-in iqamətgahı Borziq villasında toplanacaqlar.
Xatırladaq ki, Böyük Britaniyada keçirilən referendumun nəticələrinə əsasən seçicilərin 52 faiz seçici Birləşmiş Krallığın Aİ-də fəaliyyətinin dayandırılmasının lehinə səs verib.