Bakı-APA. ABŞ Suriyada uçuşların təhlükəsizliyinə dair müdafiə qurumlarının xətti ilə Rusiya ilə əməkdaşlığı davam etdirəcək.
APA-nın “RİA Novosti”yə istinadən verdiyi xəbərə görə, bunu ABŞ Dövlət Departamentinin rəsmi nümayəndəsi Con Kirbi deyib.
“Bəli, bu, əvvəlki kimi, bizim mövqemizdir”, - deyə Kirbi müvafiq suala cavabında bildirib.
Qeyd edək ki, ABŞ dövlət katibi Con Kerri bundan əvvəl Vaşinqtonun Rusiya ilə Suriyadakı münaqişənin nizamlanmasına dair danışıqları dayandırmaq həddində olduğunu bildirib.