Bakı-APA. Miqrasiya və sərhədlərə nəzarət məsələləri martda keçiriləcək Avropa İttifaqı-Türkiyə sammitinin əsas mövzularını təşkil edəcək.
APA-nın TASS agentliyinə istinadən verdiyi məlumata görə, bunu Fransa prezidenti Fransua Olland bəyan edib.
“Məhz miqrasiya və sərhədlərdə nəzarətin təmin edilməsi Şenqen zonasını qoruyub saxlamağa imkan verə bilər. İlk növbədə, bu məsələlər martın əvvəlində Avropa İttifaqı-Türkiyə sammitinin gündəmində olacaq”, deyə F.Olland bildirib.
Fransa prezidenti xatırladıb ki, Türkiyə sərhədinə nəzarətin gücləndirilməsi, eləcə də miqrant axınının monitorinqini həyata keçirmək məqsədi ilə NATO-ya üzv ölkələrin müdafiə nazirləri Alyansın hərbi-dəniz qüvvələrinin Egey dənizinə göndərilməsinə dair razılığa gəliblər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
