Bakı. Türbət Bağırova - APA. Avropa Şurası Parlament Assambleyasının (AŞPA) Sosial məsələlər komitəsində Avropa Mühafizəkarlar qrupundan olan azərbaycanlı məruzəçi Sevinc Fətəliyevanın “Təməl səbəblərə qarşı mübarizə aparmaqla uşaqların radikallaşmasının qarşısının alınması” adlə məruzəsi bəyənilib.
APA-nın AŞPA-nın saytına istinadən verdiyi xəbərə görə, məruzədə qeyd edilir ki, qabaqlayıcı tədbirlər gənc insanların ekstremizmdən qorunması üçün açar rolunu oynayır.
Bununla yanaşı, o da qeyd edilir ki, qabaqlayıcı tədbirlər olaraq, radikallaşma ilə mübarizə və reabilitasiya strategiyaları individual yanaşma sərgiləməli və müfəssəl olmaqla yanaşı, yerli tərəfdaşlarla birgə iş aparılmalıdır.
Məruzənin AŞPA-nın apreldə keçiriləcək sessiyasında müzakirə edilməsi gözlənilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
