Bakı. Şəhriyar Əlizadə - APA. Zərdab və Sumqayıtda yabanı halda bitən çətənə kolları məhv edilib.
APA-nın DİN-in saytına istinadən verdiyi məlumata görə, Zərdab rayon Polis Şöbəsinin əməkdaşları tərəfindən Bıçaqçı kəndi ərazisində yabanı halda bitmiş, ümumi çəkisi 4 ton 273 kiloqram olan 3787 ədəd çətənə kolu, Sumqayıt şəhər Polis İdarəsinin əməkdaşları tərəfindən isə şəhər ərazisində yabanı halda bitmiş 101 ədəd çətənə kolu aşkar edilərək məhv edilib.